كفاك جرحاً يا ماضينا

كان طبيعي ان احنا نعيش حياتنا ونجربها بكل ما فيها
طبيعي يمر عليا الجرح والالم
وبرضوا يمر عليا الفرح واللحظات الجميله
كان لازم هنجرب وهنعيش كل اللي بيحصل ونتعلم منه
يمكن مره نقع وننكسر ومره نكمل ونعيش ونفرح
بس لما تبص لكل اللي فات في حياتك وتلاقي
ان كله جرح وتلاقي الزمن ساب جواك شرخ كبير صعب انك تعالجه
وتلاقي انك مريت بحاجات كتير اوي وعنيت في سكوت من غير ما حد يحس بكل اللي مر عليك
وانت بتفتكر كل اللي حصل وكل اللي عدي
ترجع تفكر تاني وتقول ما اللي فات بقي ماضي
وتقوم وجواك عايز تكمل
وتقول ما انا اتعلمت خلاص
وبقي صعب اقع تاني
وبكدا هعيش اللي جاي صح ومش هتالم تاني او يمكن مش زي الاول
وتبدا زي طفل لسه بيتولد وتتناسي كل اللي فات


بس لا تلاقي ان كل خطوه بتفتح جرح قديم
وان اللي جاي محكوم عليه يبقي تكمله اللي راح
وبعد ما حسيت ان خلاص هعيش
لاني مريت بكتير ومن حقي بقي اني اعيش
انت ممكن تنسي او تحاول تنسي الماضي
لكن هو عمره ما هينساك



اصعب حاجه بقي ممكن تالمك دلوقتي ان اقرب الناس ليك محسوش باللي حصل
وانهم مش بيساعدوك عشان ترمم جراحك
لا بيزودوها



كان صعب عليا اشوف الغالي عليا بيجرح بكل قوته فيا
بقلم فراشه الشتاء