هديه السماء

طول عمري وانا بتمني يكون ليا اخ
بس للاسف اخواتي الاتنين بنات
الحمد لله
انا بحبهم جدا
ربنا ما يحرمني منهم
بس واضح ان ربنا بيحبني
لان اللي كنت بتمناه
بقي دلوقتي واقع
وربنا بعتلي احلي هديه
اخ مش زي اي اخ
اه يمكن مش شقيقي
لكن بيعاملني زي اخته
وبلاش زي دي عشان مش يضايق
كنت محتجاه اوي
ووجده في حياتي كان بدايه لحاجات كتير حلوه

انسان بكل معني الكلمه
طيب اوي
بيحس بيا بيخاف عليا
عايز يشاركني همي قبل فرحي
قادر يضحي للاخر
فهمني ولمس احساس كان مستخبي جوايا
انا عارفه اني بضايقه كتير
وبتعصب بسرعه
وهو برضوا بيستحملني
بخاف عليه لما بكون قاسيه لانه رقيق وحساس اوي
وبخاف اظلمه معايا بمشاكلي
ورغم كل شئ بلقيه برضوا موجود جمبي
مش عارفه اقول ايه ولا ايه
مفيش حاجه تقدر توصفه
صحيح انت بتقول ان مفيش شكر او اسف بين الاخوات
لكن لازم اشكرك
انت عملت كتير اوي عشاني
وانا مش قادره اوفيك حقك
ولا اساعدك زي ما انت بتساعدني
ودايما هفضل مقصره مهما عملت
لانك دايما بتدي
ربنا يخليك ليا
واعزرني بقي لاني مش عارفه اكلم


اختك