كل واحد فينا وصل التاني لنقطه سوده
الغلط علي اللي بداء
مش قادر اتخيل لحد دلوقتي
احنا ازاي وصلنا للنقطه دي
ازاي بقينا كدا
والسعاده والفرحه في عيونا
بقيت ضلمه
امتي وليه حصل كل دا
فاكره اول لما عملت البلج دا
كانت ازاي الحياه ايامها ابتدت تبقي جميله
ولما ابتديت معاهم كنت شايفه كل حاجه فيهم جميله
ومازلت شايفهم زي ماعرفتهم اول مره
بس مع الاختلافات والغرابه اللي رسمها الزمن علي وجههم
يمكن انا كنت بدايه الشرخ والجرح اللي حصل
بس حتي كل حاجه بعدي بقت شئ تاني
انا بجد حزينه
لما بفتكر اللي كان واشوف دلوقتي
بكره الايام
صحيح كل واحد فينا احنا الاربعه بقي ليه حياته المستقله عن التاني
وبتمني السعاده تملاها
بس حقيقي بتحسر
لما بنكون قدام بعض وفي مكان واحد
ومش قادرين نكلم بعض
حتي النظرات بقي مليها كره
ياخسارة
للاسف الذكريات مش بتسبني
وكل لما احاول انسي
الايام تفكرني وتظهر حاجه مكنتش عامله حسابها